Fyrir rúmlega 10 árum var ég komin í tæplega 100 kg.

Ég var þreytt, orkulaus og ósátt við sjálfa mig og líkamann. Og ég hélt, alveg eins og svo margar konur, að þetta væri mín sök. Að mig vantaði bara viljastyrk. Ég hafði reynt allt og var stanslaust að reyna að breyta öllu í einu. Og alltaf endaði ég á sama stað, bara með meira samviskubit en áður. Það sem á endanum breytti öllu var ekki nýr megrunarkúr. Það var þetta: að sleppa fullkomnun, að hlusta á líkamann, og að byggja venjur sem endast, eina í einu.

Ég léttist um 40 kg á nokkrum árum. Það var ekki auðvelt en það var mögulegt. Og ef ég gat það, þá trúi ég því innilega að þú getir það líka.

Þetta er sagan sem ég hef aldrei talað svo opinskátt um. Í þessu myndbandi deili ég tveimur hlutum: af hverju ég fór í næringarfræðina, og hvernig ég léttist um 40 kg á fjórum árum. Með öllum bakslögunum og öllum hlutum sem ég myndi gera öðruvísi.

▶ Horfa á YouTube