Næringarfræðingur: Hrund Valgeirsdóttir

Ég heiti Hrund og starfa sem næringarfræðingur hjá Næring & Ráðgjöf slf. Ég styð konur sem vilja skapa betra samband við mat, finna jafnvægi í mataræðinu og öðlast hagnýta leiðsögn sem virkar í raunveruleikanum.

Um mig

Ástríða mín er að hjálpa konum að sleppa tökum á vítahringum megrunarkúra og sjálfsgagnrýni, og í staðinn læra að hlusta á eigin líkama. Ég trúi því að heilbrigðar breytingar þurfi ekki að vera strangar eða öfgakenndar. Þær verða að passa inn í þitt líf og byggja þig upp til lengri tíma.

Ég lauk MSc-námi í næringarfræði frá Háskóla Íslands árið 2012. Auk þess er ég menntuð sem tölvunarfræðingur (BSc) og verkefnastjóri (MPM) og hef unnið við það einnig. Samblanda af faglegri þekkingu og eigin reynslu gerir mig að ráðgjafa sem skilur bæði fræðin og tilfinningarnar sem fylgja breytingum.

Fyrir utan vinnuna, þá finnst mér gaman að stunda hreyfingu og upplifa nýja hluti. Ég endurnærist á því að fara út að hlaupa eða í ræktina. Einnig finnst mér yndislegt að fara út að ganga í náttúrunni helst með góða bók í eyrunum. Ég elska líka að prófa nýjar uppskriftir, ferðast til útlanda og kynnast nýjum stöðum og menningu. Ég hef líka gaman að öllu sem tengist tækni og að læra nýja hluti, en mest gefur mér að eyða tíma með makanum, fjölskyldu og vinum.

Mín saga

Ég veit hvernig það er að vera föst í vítahring. Í mörg ár reyndi ég að léttast, aftur og aftur og alltaf með hörku og væntingum um skjótan árangur. Ég fór í gegnum öfgar sem skildu mig eftir með meiri vanlíðan, sveiflur og endalausa sjálfsgagnrýni.

Ég var orðin uppgefin. Alltaf sama mynstrið: byrja með krafti á mánudegi en gefast svo upp í miðri viku. Ég treysti mér ekki í kringum mat og fannst ég stöðugt vera á byrjunarreit.

Smám saman áttaði ég mig á því að breytingar þurfa ekki að vera dramatískar eða fullkomnar. Þær þurfa að vera raunhæfar, með stuðningi og með virðingu fyrir líkamanum og lífinu sjálfu. Með því að taka eitt lítið skref í einu breytti ég lífinu mínu. Ég léttist 40 kg á fjórum árum, ekki með öfgum eða megrunarkúr, heldur með einföldum venjum sem byggðu mig upp.

Mikilvægast af öllu: ég öðlaðist aftur sjálfstraust, meiri orku og frelsi frá stöðugri baráttu við sjálfa mig.

Í dag kenni ég öðrum konum þessa sömu nálgun, að sleppa tökum á skömminni, finna jafnvægi í kringum mat og byggja upp sjálfsöryggi. Það sem gerir vinnuna með mér öðruvísi er samblanda af fræðilegri þekkingu og raunverulegri innsýn. Ég veit hvernig það er að vera föst í hringnum og ég veit líka hvernig það er að brjótast út úr honum.

Hvernig er hægt að vinna með mér?

Það eru nokkrar leiðir til að vinna með mér, hvort sem þú vilt persónulegan stuðning, námskeið á þínum hraða eða fræðslu fyrir vinnustaðinn.

Einkaviðtöl

Næringarráðgjöf

Stakur tími eða 4 vikna prógram á Zoom. Skýr og raunhæf leiðsögn.

Hnitmiðaðar leiðbeiningar sem passa inn í daglegt líf
Stuðningur við að brjóta upp gömul mynstur
Aðstoð við að byggja upp jafnvægi og sjálfstraust í kringum mat

Skoða ráðgjöf

Sjálfsnám

Sjálfsnámskeið

Þú getur byrjað strax og unnið á þínum hraða.

Skoða námskeið

Hópnámskeið

Þitt nýja upphaf

8 vikur í lokuðum hóp með stuðningi og skrefum til varanlegs jafnvægis.

Byggt upp jafnvægi í mataræðinu til lengri tíma
Sleppt tökum á allt-eða-ekkert hugsun og byggðar upp nýjar venjur
Skráning á biðlista fyrir næstu opnun

Skrá mig á biðlista

Fyrirtæki

Fræðsla fyrir vinnustaði

Í boði sem fyrirlestur eða vinnustofa, á staðnum eða á Teams/Zoom.

Orka, einbeiting og jafnvægi í mataræði
Efni aðlagað að þörfum fyrirtækisins (t.d. sérstakt umfjöllunarefni)
Hentar vel í heilsuviku, starfsdögum eða innri fræðslu

Skoða fyrirtækjalausnir

Hvort sem þú velur ráðgjöf, námskeið eða fræðslu fyrir vinnustaðinn, þá færðu alltaf nálgun sem byggir á jafnvægi, sveigjanleika og virðingu fyrir líkamanum, án öfga eða skyndilausna.