Hlustaðu á líkama þinn -
af hverju skiptir það máli?

Hefur þú borðað án þess að vera raunverulega svöng/svangur?

Kannski af því að það var kominn matmálstími, kannski af vana, eða til að róa streitu eða þreytu eða bara vegna þess að það var matur til staðar.

14.4.2025

Merkin sem dofna

Líkaminn okkar er stöðugt að senda okkur skilaboð: Hvenær við þurfum næringu, hvíld eða orku. En ef við hlustum ekki, eða lærum ekki að túlka þessi skilaboð þá dofnar skilningurinn. Við byrjum að borða of seint og þá borðum við oft of mikið. Eða við borðum til að fylla upp í eitthvað annað og upplifum svo sektarkennd eða óánægju með okkur sjálf. Það er ekki að okkur skorti aga. Það er einfaldlega að við höfum gleymt hvernig við hlustum á líkamann.

Tengingin sem skilar jafnvægi

Að hlusta á líkamann er ekki flókin aðgerð en hún krefst æfingar sem byrjar með því að hægja á og spyrja sjálfa(n) sig: „Hvernig líður mér í líkamanum?“ og „Er ég raunverulega svöng/svangur eða þarf ég kannski eitthvað annað?“

Með tímanum förum við að þekkja merki raunverulegrar svengdar, greina hvenær mettun birtist og skilja betur hvenær við borðum út frá raunverulegri þörf og hvenær við borðum af vana, tilfinningum eða öðru sem líkaminn bað ekki beint um. Þegar þessi tenging styrkist, þá förum við að treysta okkur meira.

Að finna jafnvægi með svengd og skammtastærðir

Eitt algengasta vandamálið sem fólk lýsir í kringum matarvenjur er að borða annaðhvort of mikið eða of lítið en skynja ekki raunverulega hvað „nóg“ er. Það sem við þurfum er að hægja á og æfa okkur í að greina hvenær við erum svöng, hvenær við höfum fengið nóg og hvað „nóg“ raunverulega þýðir fyrir okkur hvert og eitt.

Að hlusta á líkama sinn snýst ekki um að borða „fullkomlega“. Það snýst um að þróa meðvitund og gefa sjálfum sér rými til að velja með innsæi. Smám saman byggjum við upp styrk, öryggi og frið í kringum mat.

Ef þú vilt fá einfalt en áhrifaríkt kerfi til að æfa þig í þessu þá getur örnámskeiðið Hlustaðu á líkama þinn verið fullkomið næsta skref. Kynningarverð rennur út þann 16.apríl 2025.

Nánari upplýsingar

Meira blogg