Spínat

Spínat er einstaklega næringarríkt og fjölhæft grænmeti sem hægt er að njóta á marga vegu. Það hentar vel í búst og safa, sem grunnur í salöt, álegg á samlokur og vefjur, í omlettur, lasagna, súpur og margt fleira.

Hægt er að neyta spínats fersks, gufusoðins eða soðins, og breytist bragðið aðeins eftir matreiðsluaðferð. Við suðu verður það til dæmis mýkra og dálítið sætara á bragðið. Því getur verið sniðugt að prófa sig áfram með mismunandi aðferðir við að elda það.

Næringargildi og andoxunarefni

Spínat er sannkölluð sprengja af vítamínum og steinefnum:

A-, C- og K-vítamín
B₁, B₂ og B₆ vítamín
Fólat
Kalk og magnesíum
Trefjar
Járn

Þrátt fyrir að spínat innihaldi talsvert af járni, þá er það illa upptakanlegt þar sem efni í plöntunni, sérstaklega oxalöt sem geta hindrað frásog bæði járns og kalks.

Til að bæta frásog járns úr spínati er gott að borða það með C-vítamínríkum mat (t.d. appelsínur, mangó, ananas) eða para það með kjöti, fiski eða fuglakjöti þar sem það örvar upptöku jurta járns.

Heilsubætandi áhrif spínats

Rannsóknir hafa bent til þess að regluleg neysla á spínati geti:

Minnkað líkur á æðakölkun og hjartasjúkdómum
Dregið úr hættu á ákveðnum tegundum krabbameina
Hjálpað við að viðhalda heilbrigðum blóðþrýstingi
Stuðlað að sterkum beinum vegna ríkulegs K-vítamíns
Stutt við taugakerfið og orkubúskap með B-vítamínum og magnesíum

Spínat er mun ríkara af vítamínum, steinefnum og trefjum en hefðbundið blaðsalat, og er því frábær viðbót í hversdags matinn.

Hugmyndir að leiðum til að nota spínat:

Bæta fersku eða frosnu spínati í búst eða safa
Gera næringarrík salöt með spínati í stað blaðsalats
Spínatlasagna eða pasta með spínati
Nota sem álegg í samlokur
Vefjur með hummus, spínati og grænmeti
Eggjahræra með spínati og fetaosti
Bæta út í súpur eða pottrétti
Nota á heimagerða pizzu
Bæta í hrísgrjónarétti, kínóa eða aðra kornrétti
Notað ferskt sem meðlæti

Spínat er ótrúlega öflugt grænmeti, hvort sem þú ert að sækjast eftir betri heilsu, auknum trefjum, steinefnum eða einfaldlega bragðgóðri viðbót í máltíðirnar. Prófaðu að bæta því inn í daginn þinn á nýjan hátt, líkaminn mun þakka þér fyrir!

Önnur matvæli