Matardagbók


Ef þú vilt fá leiðbeiningar um hvernig þú getur bætt þitt mataræði, fengið ábendingar um hvort þú sért að borða of lítið eða of mikið til að ná þínum markmiðum, eða ef þú þarft einfaldlega á aðhaldi að halda, þá geturðu sent inn matardagbók og þú færð tilbaka ábendingar um hvað er gott og hvað má gera betur. Það er ekki nauðsynlegt að vigta matinn en það má að sjálfsögðu og því nákvæmara sem magnið kemur fram því betra.

Hægt er að velja um þrjár leiðir til að skila matardagbókinni:
1) Fylla út form á síðunni daglega
2) Nota fyrirfram tilbúið Excel skjal og senda annaðhvort með tölvupósti daglega eða fylla það út á google docs
3) Senda tölvupóst daglega á netfangið naering@naering.com

Kostnaður á yfirferð matardagbókar fyrir eina viku eru 3.900 kr og fyrir fjórar vikur eru það 12.900 kr.
Ath: ef þú ert vinur á facebook, þá geturðu notað afsláttarkóða út árið 2015

Ef þú hefur áhuga að nýta þér þessa þjónustu eða óskar frekari upplýsinga, endilega hafðu samband.





Kostir
Eitt af því sem er talið hjálpa til við að losna við aukakílóin er að halda matardagbók yfir allt sem er borðað og drukkið, og jafnvel alla hreyfingu. Þá verður mataræðið mælanlegra og auðveldara verður að passa upp á skammtastærðirnar og fjölda skammta sem þú færð þér. Sem dæmi, þá er hægt að missa 10-15 kg á einu ári, bara með því að minnka drykkju á sykruðum gosdrykkjum um 1 glas á dag. Þannig að það margborgar sig að fylgjast með magni á sykruðum gosdrykkjum og öðrum orkuríkum mat og drykk. Einnig veitir það að halda matardagbók meira aðhald og enn meira ef þú veist að því að einhver annar mun lesa matardagbókina yfir. Fyrir þá sem þurfa ekki að losna við aukakíló, þá getur matardagbók hjálpað á þann hátt að sjá hversu næringarríkan mat viðkomandi borðar.

Hægt er að nota ýmsar aðferðir til að halda matardagbækur, eins og að nota stílabók eða dagbók sem skrifað er í eða gera það á tölvutæku formi og þá er einn möguleikinn að nota Excel formið sem er í boði hér að ofan.